"ABŞ prezidentliyinə namizəd Donald Tramp Ukrayna Silahlı Qüvvələrinin Kursk bölgəsinə hücumu səbəbindən yeni dünya müharibəsi təhlükəsindən danışarkən qismən haqlıdır". 

HİT.az xəbər verir ki, bunu RT-yə istinadən politoloq İvan Mezyuxo deyib.

"Keçmiş Amerika prezidentinin bəyanatında əsaslı məqam var", deyə ekspert bildirib.

Politoloq xatırladıb ki, məhz Trampın prezidentliyi dövründə ABŞ Ukraynanı aktiv şəkildə silahlandırıb və Rusiyaya qarşı görünməmiş sanksiyalar tətbiq edib. Mezyuxo vurğulayıb ki, məhz bu hərəkətlər potensial hərbi qarşıdurmanı yaxınlaşdırıb.

Ekspert əlavə edib ki, Trampın bəyanatı onun əsas rəqibi, Demokratlar Partiyasından namizədi Kamala Harrisə qarşı səsləndirilmiş "gələcək ABŞ prezidentinin seçki ritorikası" kimi qəbul edilməlidir.

"ABŞ-ın keçmiş prezidenti Donald Trampın üçüncü dünya müharibəsi təhlükəsinin artması ilə bağlı dediyi sözlər onun Ukraynada münaqişənin kəskinləşməsinin ABŞ-ı necə təhdid etdiyini bilən çox praqmatik siyasətçi olduğunu təsdiqləyir". Bunun isə amerikalı politoloq Malek Dudakov deyib.

"Tramp və Qərbdə hadisələrə daha praqmatik baxan bir sıra siyasətçilər çox yaxşı başa düşürlər ki, III Dünya müharibəsi təhlükəsi indi artmaqdadır", deyə Dudakov qeyd edib.

Politoloqun fikrincə, bütün bunlar onu göstərir ki, Trampın yenidən prezident seçiləcəyi təqdirdə Rusiya tərəfi ilə razılığa gəlmək motivi var. Lakin onun fikrincə, bu cür cəhdlərin nəyəsə gətirib çıxaracağı yüz faiz ehtimalı yoxdur, çünki Respublikaçılar Partiyasının bütün tərəfdarları xüsusi əməliyyatın ABŞ-ın hazırkı hakimiyyət orqanlarının səhvi ucbatından başlaması ilə razılaşmırlar.

"Düşünürəm ki, bundan sonra baş verənlərə təsir edən bir çox amil olacaq. Təbii ki, ümumilikdə döyüş meydanındakı vəziyyət hadisələrin nəticəsini həll edəcək", deyə Dudakov yekunlaşdırıb.

Xatırladaq ki, Tramp bundan əvvəl Ukrayna Silahlı Qüvvələrinin Kursk vilayəti ərazisinə daxil olması səbəbindən III Dünya müharibəsi təhlükəsi barədə xəbərdarlıq etmişdi. Ekspertin sözlərinə görə, o, başa düşür ki, Kiyevin hərəkətləri münaqişənin eskalasiyasını nəzarətdən çıxarır, bu, vəziyyəti sabitliyi pozacaq və təkcə Ukrayna Silahlı Qüvvələri üçün deyil, həm də Qərb üçün pis nəticələnə bilər.

Samir