Avropa İttifaqı ölkələrinin xarici işlər başçılarının qeyri-rəsmi görüşü Budapeştin rusiyayönlü siyasət yeritdiyi və Avropanın maraqlarını qorumadığı üçün hazırda Aİ-yə sədrlik edən Macarıstandan Brüsselə köçürülüb.

HİT.az xəbər verir ki, bunu cümə axşamı Aİ xarici işlər nazirlərinin Brüsseldə qeyri-rəsmi görüşündən əvvəl Litvanın xarici işlər naziri Qabrielus Landsberqis bildirib.

Onun sözlərinə görə, bu qərar Avropa ölkələrinin Macarıstanın beynəlxalq siyasəti və Budapeştin Aİ-yə sədrliyini həyata keçirmə tərzi ilə razılaşmadığını göstərir.

“Demək istəyirəm ki, bilirsiniz, onlar özlərini sülh partiyası və ya sülh partiyasının bir hissəsi adlandırırlar. Mən bununla razılaşmazdım və hesab edirəm ki, indi yuxarı mərtəbədəki danışıqlar otağında Avropa və ya Ukraynanı deyil, Putini qorumaq mövqeyini çox açıq şəkildə dəstəkləyən "Rusiya partiyamız" olacaq", deyə Landsberqis Macarıstanlı həmkarının mövqeyini şərh edərkən vurğulayıb.

Xatırladaq ki, Macarıstan bu ilin ikinci yarısında Aİ-yə sədrlik edəcək. 

"El Pais" yazır ki, Macarıstan hökumətinin Kremlin Ukraynaya qarşı apardığı müharibə şəraitində Rusiya Federasiyası və Belarus vətəndaşlarına iş vizalarının verilməsini sadələşdirməyə dair son qərarı Aİ siyasətçilərini narahat edir.

İyulun əvvəlində Macarıstanın baş naziri Viktor Orban Kiyevə səfər etdikdən sonra Moskva və Pekinə gözlənilməz səfərlər edib və burada Ukraynada müharibəyə son qoymaq üçün “sülh təşəbbüslərini” müzakirə etməyə çalışıb. Avropa İttifaqı Şurasının sədri Şarl Mişel və Aİ-nin Ali Nümayəndəsi Cozep Borrell də daxil olmaqla Aİ liderləri, hazırda Aİ Şurasına sədrlik edən Macarıstanın baş nazirinin belə bir missiyanı həyata keçirmək üçün heç bir səlahiyyət almadığını və yalnız öz adından hərəkət etdiyini vurğulayıblar.

Macarıstan həmçinin Aİ-nin Ukraynaya kollektiv hərbi dəstək göstərməsinə qarşı çıxır və Ukraynaya silah verilməsi ilə bağlı bir sıra qərarları bloklayır.

Samir