Ukrayna baş nazirinin müavini Olqa Stefanişina bildirib ki, respublika 1991-ci il sərhədi daxilində suveren və müstəqil ölkə kimi NATO-ya daxil olmaq niyyətindədir. 

HİT.az bu barədə "RBC-Ukrayna"ya istinadən xəbər verir.

O, Ukraynanın Şimali Atlantika Alyansına hissə-hissə qoşulması ideyasını rədd edib və qeyd edib ki, respublika müvafiq rəsmi təklif almayana qədər Kiyev üzvlüklə bağlı heç bir qərar təklif etməyəcək.

"Biz heç vaxt NATO-ya üzvlük məsələsində müəyyən məhdudiyyətlər və ya yenidən bölüşdürmə məsələsini qaldırmayacağıq. 1991-ci ilin sərhədləri daxilində NATO-ya daxil olan suveren və müstəqil bir ölkə olan Ukrayna var", deyə Stefanişina bildirib.

Bundan əvvəl Ukraynanın xarici işlər naziri Dmitri Kuleba bildirib ki, Kiyev NATO-ya üzv olmaq üçün daha 75 il gözləyə bilməz. ABŞ prezidentinin xüsusi köməkçisi və Milli Təhlükəsizlik Şurasının Avropa məsələləri üzrə direktoru Maykl Karpenter isə deyib ki, Ukraynanın Şimali Atlantika Alyansına daxil olması onun üzvlərindən siyasi iradə tələb edir, hazırda isə bu yoxdur.

Samir