Çin polisi Britaniyanın "AstraZeneca" əczaçılıq şirkətinin hazırkı və keçmiş beş əməkdaşını saxlayıb. 

HİT.az xəbər verir ki, bu barədə "Bloomberg" mənbələrə istinadən yazıb.

Saxlanılanların hamısı Çin Xalq Respublikasının vətəndaşlarıdır, onlar "AstraZeneca"da onkoloji dərmanların satışı ilə məşğul olublar. İstintaqı Şençjen Polis İdarəsi aparır və həbslər bir neçə gün əvvəl baş tutub.

Rəsmi olaraq nə səlahiyyətlilər, nə də şirkətin özü bu xəbərlərə hələlik münasibət bildirməyib. Agentliyin məlumatına görə, həbslərdən biri xəstə məlumatlarının toplanması və şəxsi məlumatların qorunması ilə bağlı Çin qanunlarının mümkün pozulması ilə bağlı araşdırma ilə bağlıdır. 

Bundan əlavə, səlahiyyətlilər materik Çində istifadə üçün icazə verilməyən dərmanların idxalında mümkün pozuntuları araşdırır.

Samir