Maks Plank Cəmiyyətinin Fritz Haber İnstitutundan olan alman alimləri istixana qazı - karbon qazını (CO2) yanacaq kimi istifadə oluna bilən etanola və ya etil spirtinə çevirmək üçün yeni üsul hazırlayıblar. 

HİT.az xəbər verir ki, tədqiqat "Energy & Environmental Science" (EES) elmi jurnalında dərc olunub.

Komanda karbon dioksidi katalitik şəkildə etanola çevirmək üçün mis və sink oksidin birləşməsindən istifadə edən ilk qurumdur.

Ənənəvi olaraq, bu proses yalnız mis əsaslı katalizatorlara əsaslanırdı. Bununla belə, bu cür reaksiyalar etanol üçün ən yaxşı seçiciliyi təmin etmir.

Alimlər müəyyənləşdirib ki, mis oksidi nanokublar üçün sink oksidi qabıqları hidrogen və digər arzuolunmaz əlavə məhsulların sərbəst buraxılmasını minimuma endirməklə yanaşı, etil spirti istehsalını artırır.

Bu yanaşma həm də misin bütövlüyünü qorumaqla katalizatorların özlərinin ömrünü uzadıb.

İnkişafın müəlliflərinin fikrincə, onların metodu CO2-dən təkcə etanol deyil, həm də digər ekoloji təmiz yanacaq növləri istehsal etməyə imkan verəcək.

Samir