İsveçrə Xarici İşlər Nazirliyi Rusiya-Ukrayna münaqişəsinin sülh yolu ilə həllinə dair ikinci konfrans hazırlamadığını bildirib. 

HİT.az-ın məlumatına görə, bununla yanaşı, departament qeyd edib ki, İsveçrə hakimiyyəti hələ də danışıqlara başlamaq üçün şərait tapmağa sadiqdir.

“Hazırda İsveçrə ikinci sülh sammitinə hazırlaşmır. Bizim indi məqsədimiz qlobal Cənub ölkələri ilə birlikdə Ukrayna və Rusiya arasında danışıqların başlanması üçün şərait yaratmaqdır”, deyə İsveçrə Xarici İşlər Nazirliyi "Tages-Anzeiger"in sorğusuna cavabında bildirib.

Sentyabrın 11-də Almaniya kansleri Olaf Şolts Rusiyanı ikinci sülh konfransına dəvət etməyi müdafiə etdi. "Tages-Anzeiger"in qeyd etdiyi kimi, bu fonda alman mətbuatı tədbirin ilk sammitin keçirildiyi İsveçrədə baş tutacağını güman edirdi. İsveçrə Xarici İşlər Nazirliyinin beynəlxalq təhlükəsizlik departamentinin rəhbəri Qabriel Luxinger iyun ayında növbəti sammitin Səudiyyə Ərəbistanında keçirilə biləcəyini bildirmişdi.

İyunun 15-16-da İsveçrənin Bürgenstok şəhərində keçirilən birinci sammitə Rusiya nümayəndə heyəti dəvət olunmayıb. Rusiya Xarici İşlər Nazirliyi Rusiyanın ikinci sammitdə iştirakını istisna edib, çünki onun iştirakçıları münaqişə ilə bağlı alternativ təkliflərə məhəl qoymurlar. "Bloomberg" yazıb ki, Ukrayna hakimiyyəti konfransı noyabra qədər təşkil etmək istəyir.

Samir