Hakim Gürcü arzusu-Demokratik Gürcüstan Partiyasının nümayəndələri Bundestaqın Xarici Əlaqələr Komitəsinin sədri Maykl Rotun gürcü xalqı və inancı ilə bağlı sərt bəyanatlarına görə onunla görüşməyə ehtiyac görmür.

HİT.az xəbər verir ki, bu barədə partiyanın baş katibi Kaxa Kaladze açıqlama verib.

May ayında Tbilisidə keçirilən etiraz aksiyasında iştirak edən və "Gürcü Arzusu"nu "Gürcü kabusu" adlandıran Maykl Rot Gürcüstana gəlib. Rot 16-18 sentyabr tarixlərində Gürcüstan və Ermənistana planlaşdırdığı səfərini X sosial şəbəkəsi vasitəsilə açıqlayıb.

"Biz bu adamı gürcü xalqına və inancına qarşı təhqiramiz ifadələri ilə xatırlayırıq", deyə Kaladze bildirib.

Siyasətçi qeyd edib ki, istənilən ölkənin nümayəndəsi həqiqəti deməyə, ağı ağ, qaranı qara adlandırmağa borcludur.

Kaladzenin sözlərinə görə, Rotun gəlişi “Gürcü Arzusu” üçün maraqlı deyil, çünki seçki kampaniyası hazırda aktiv rejimdədir:

"Onun Gürcüstana hansı məqsədlə gəldiyini də bilmirəm və səmimi deyim ki, bu məni maraqlandırmır, çünki biz seçki kampaniyasında iştirak edirik, mənim üçün hər gün insanlarla görüşlər keçiririk bizim ölkəmiz ilk növbədə vacibdir".

Rot mayın 14-də Tbilisidə xaricdən maliyyələşən qeyri-hökumət təşkilatları və medianın xüsusi reyestrdə qeydiyyatdan keçməsini və müvafiq sənədləri doldurmağı tələb edən Xarici Təsirlərin Şəffaflığı Qanununun qəbul edilməsinə qarşı keçirilən etiraz aksiyasında iştirak edən beş avropalı deputatdan biri idi.

Gürcüstan parlamenti qarşısında keçirilən etiraz aksiyasında Çexiya, Polşa, Litva və Finlandiya parlamentlərinin xarici əlaqələr komitələrinin rəhbərləri də iştirak ediblər. Onlar səhnəyə çıxaraq etirazçılara dəstək bəyanatları veriblər.

Rot “Gürcü Arzusu”nu “Gürcü Kabusu” adlandırıb və vurğulayıb ki, Gürcüstan hakimiyyəti yalnız əsas müttəfiqi olan pravoslav kilsəsinə arxalanaraq gənclərsiz parlaq gələcək qura bilməyəcək.

Samir