"Gürcüstan və ABŞ arasında münasibətlərin bərpası o zaman baş verəcək ki, Gürcüstan və gürcü xalqına qarşı saxta ittihamlar dayansın".

HİT.az xəbər verir ki, bunu Gürcüstan parlamentinin sədri Şalva Papuaşvili deyib.

ABŞ Gürcüstan Daxili İşlər Nazirliyinin Xüsusi Təyinatlar Departamentinin rəisi və onun müavininə, həmçinin media platforması və Alt-İnfo mühafizəkar hərəkatının rəhbərlərinə qarşı “insan hüquqlarının pozulmasına” görə sanksiyalar tətbiq edib. Gürcüstanda demokratiyanı sarsıtmaq üçün onlarla vətəndaşa qarşı viza məhdudiyyəti də nəzərdə tutulub.

"Biz dəfələrlə danışmışıq və bu münasibətləri bərpa etməyə hazır olduğumuzu bildirmişik. Amma münasibətlərin həddindən artıq yüklənməsi üçün Gürcüstan və gürcü xalqının ünvanına səslənən saxta ittihamlara, Gürcüstanla bağlı yayılan yalan xəbərlərə son qoyulmalıdır", deyə Papuaşvili bildirib.

Nümunə kimi, Gürcüstan parlamentinin rəhbəri bu ilin yazında Tiflisdə keçirilən “Xarici təsirin şəffaflığı haqqında” qanuna qarşı keçirilən etiraz aksiyalarında təhlükəsizliyi təmin edən polis əməkdaşlarına qarşı sanksiyaların tətbiqini göstərib. 

"Digər şeylər arasında saxta ittihamların bir hissəsi, xüsusən də polis əməkdaşlarına qarşı sanksiyaların tətbiq edilməsidir. İstənilən ölkədə polis məmuru dövlətin və onun nümayəndəsinin simasıdır. Ona görə də polis əməkdaşına edilən istənilən hücum dövlətə hücumdur, deyə Papuaşvili qeyd edib.

Eyni zamanda o, ABŞ-ın etirazçıların tərəfini tutmasını ədalətsizlik adlandırıb:

"Molotov kokteyli atan şəxsin qucaqlandığını və cəmiyyəti "Molotov kokteyli"ndən qoruyan polisə qarşı sanksiyaların tətbiq edildiyini görəndə, bu, şübhəsiz ki, strateji tərəfdaşın tərəfdaşa münasibətdə göstərməli olduğu yanaşma deyil".

Samir