Haiti Fransadan ölkənin müstəqilliyi dövründə vurduğu itkiləri kompensasiya etmək üçün kompensasiya tələb edir. 

HİT.az xəbər verir ki, bunu Haitinin keçid prezident şurasının sədri Edqard Leblan Fil deyib.

Onun sözlərinə görə, Haiti dünyanın ilk müstəqil qaradərili ölkəsi olub, lakin suverenliyin tanınması üçün təzminat tələb edən Fransa onun inkişafını ləngidib. Edqard Leblan Fil hesab edir ki, bu cür hərəkətlər ölkəni yoxsulluğun pik nöqtəsinə sürükləyib.

O, Fransanı mənəvi və tarixi borcunu tanımağa və Haiti xalqına ədalətsiz keçmişin görünməz buxovlarından xilas olmağa imkan verəcək lazımi təzminatları həyata keçirməyə çağırıb.

Haiti lideri çıxışı zamanı diqqəti müstəmləkəçilik keçmişinin nəticələrinə və ölkənin inkişafına əhəmiyyətli dərəcədə təsir edən müəyyən güclər tərəfindən ödənilməli olan təzminatların zəruriliyinə çəkib: "Yadda saxlamalıyıq ki, Haiti öz müstəqilliyinin əvəzini qanla ödəmiş yeganə ölkə idi. Dünya tarixində misli görünməmiş bu hadisənin 200 illiyi ərəfəsində ödədiyimiz vəsaiti geri qaytarmağın vaxtı deyilmi?".

Bundan başqa Edqar Leblan Fil BMT tribunasında çıxışı zamanı küpə ilə stəkanı səhv salıb. Siyasətçi bu səbədən yöndəmsiz vəziyyətə düşüb.

"O, su içmək üçün stəkan tapmağa çalışsa da, tapa bilməyib və birbaşa küpdən su içib. Nəticədə su üzərinə tökülüb, pencəyinin qolu ilə ağzını silməklə sözünü bitirib", deyə TASS bu barədə yazıb.

Qeyd edək ki, Haiti üsyan nəticəsində 1804-cü ildə müstəqillik qazanıb, lakin Fransa sonradan ölkəyə itirilmiş mənfəət üçün təzminat tətbiq edib və Haiti 1947-ci ilə qədər bunu ödəyib. Ekspertlərin hesablamalarına görə, ödənilən ümumi məbləğ 21 milyard dollar təşkil edib. Hazırda Port-au-Prinsdəki inflyasiya nəzərə alınmaqla, kompensasiya 150-200 milyard dollar qiymətləndirilir.

Samir