Fransız milyarder Xavyer Niel avqustun sonunda Fransada saxlanılan "Telegram" messencerinin təsisçisi Pavel Durova yardım etdiyini təsdiqləyib. 

HİT.az xəbər verir ki, bu barədə BFM məlumat yayıb.

Bundan əvvəl "Le Monde" yazıb ki, Xavyer Nil Pavel Durovu "gizli mənzillər"lə təmin edib.

"O, hələ də məhkum olunmayıb. Sizə deyə bilərəm ki, insanlar həbsxanaya düşəndə ​​qanunla bağlı problemlər yaranır, həm də bütün yaxınlar ortadan yox olur. Çətin vəziyyətdə olan bir dostum varsa və mənə zəng vurursa, mən oradayam", deyə milyarder bildirib.

Bundan əvvəl məlum olub ki, "Telegram" bundan sonra əsaslı hüquqi müraciətlərə cavab olaraq qaydaları pozanların İP ünvanlarını və telefon nömrələrini hüquq-mühafizə orqanlarına açıqlaya biləcək. Media həmçinin bildirib ki, platforma artıq Fransa hakimiyyət orqanlarının sorğularına cavab verməyə başlayıb və həmçinin Milli Polisə bəzi şübhəliləri müəyyən edə biləcək materiallar təqdim edib.

2018-ci ildə Sankt-Peterburqdakı terror aktından sonra Pavel Durov Rusiya hakimiyyəti ilə əməkdaşlıqdan imtina etdikdən sonra sahibkar bildirib ki, messencer istifadəçilərin şəxsi məlumatlarını dövlət qurumlarına verməyəcək. 

Samir