Almaniya kansleri Olaf Şolts yaxın vaxtlarda Rusiya prezidenti Vladimir Putinə zəng vura bilər. Əgər belə bir söhbət baş tutsa, bu, demək olar ki, iki il ərzində Berlin və Moskva arasında bu səviyyədə ilk təmas olacaq.

HİT.az xəbər verir ki, bu barədə "Die Zeit" qəzeti məlumat yayıb.

Hökumət mənbələri jurnalistlərə bildiriblər ki, söhbət noyabrda Braziliyada keçiriləcək G20 toplantısından əvvəl baş tuta bilər. Məqalədə deyilir ki, Almaniya tərəfi indiyədək rəsmi olaraq danışıq tələb etməyib.

Vladimir Putin və Olaf Şolts arasında sonuncu telefon danışığı 2022-ci ilin dekabrında baş tutub. Dövlət başçısının mətbuat xidməti bildirib ki, tərəflər Ukrayna ətrafında vəziyyətin müxtəlif aspektlərini müzakirə ediblər. Vladimir Putin Moskvanın xüsusi hərbi əməliyyata fundamental yanaşmalarını ətraflı izah edib.

Samir