Milli Statistika İnstitutunun məlumatına görə, bu yay İspaniyaya 31 milyondan çox xarici turist gəlib.

HİT.az xəbər verir ki, bu, ölkənin turizm sənayesi üçün yeni rekorddur.

Avqustda ilkin hesablamalara görə, ölkəyə 11 milyona yaxın insan gəlib ki, bu da ötən illə müqayisədə 7,3% çoxdur. İyulda İspaniyaya 10,85 milyon, iyunda isə 9,3 milyon xarici turist gəlib.

İspaniyaya ən çox turist Britaniyadan gəlib - üç yay ayı ərzində 6,3 milyon insan. Onları bu reytinqdə fransızlar (4,76 milyon), almanlar (3,63 milyon) və italyanlar (1,86 milyon) izləyirlər. Rusiyalı turistlər haqqında məlumatlar 2022-ci ildən, onlar "Avropanın qalan hissəsinə" aid olanlar sırasına daxil edilməyə başlayandan bəri ayrıca verilmir.

Yalnız bu ilin ilk səkkiz ayında İspaniya 64,8 milyon xarici turist qəbul edib - bu, həm də rekord göstəricidir. Əcnəbilərin ölkəyə gəlişindən əldə olunan gəlirlər eyni dövrdə ötən illə müqayisədə 17,6% artaraq 86,7 milyard avroya çatıb.

Samir