"İran Yaxın Şərqdə münaqişənin kəskinləşməsi səbəbindən çıxılmaz vəziyyətdədir".

HİT.az "Politico"ya istinadən xəbər verir ki, bunu ABŞ-ın Yaxın Şərqdəki qüvvələrinin keçmiş komandanı Frenk Makkenzi deyib.

Onun sözlərinə görə, Tehran indi bir neçə gün əvvəl İsrailə o qədər də uğurlu olmayan raket hücumundan sonra küncə sıxışıb:

"Onların bölgədəki əsas müttəfiqi "Hizbullah"ın başı kəsilib və onun öz hücum imkanları ciddi şəkildə məhdudlaşıb. İndi "Hizbullah" çox məhduddur. Deməli, onların arxa planında İran var".

Hərbçilərin fikrincə, İsrailin indi hadisələrin gələcək inkişafı üçün çoxlu variantları var.

"Onlar ali rəhbərin özünə zərbə endirmək baxımından çox gərginləşəcək bir şey seçə, bəlkə nüvə obyektləri və ya neft infrastrukturu, ya da hərbi kəşfiyyat hədəflərinə baxa bilərlər. İsrailin geniş seçimləri var", deyə Makkenzi bildirib.

İsrail "Hizbullah"ın yeni liderini sıradan çıxarıb. Yerli KİV-in məlumatına görə, Haşim Safi əd-Din oktyabrın 4-də İsrailin Beyruta endirdiyi hava zərbəsi nəticəsində öldürülüb.

Safi əd-Din bir neçə gün əvvəl "Hizbullah"a 30 ildən çox rəhbərlik etmiş Həsən Nəsrullahın sıradan çıxarılmasından sonra onun rəhbərliyinə keçib.

Samir