Avropa Komissiyası Ukraynanın Aİ-yə qəbulu ilə bağlı Donbass və Krım olmadan danışıqları istisna edib.

Avropa Komissiyası Ukraynanın beynəlxalq səviyyədə tanınmış ərazilərinin bir hissəsi olmadan Avropa İttifaqına (Aİ) daxil olması ilə bağlı danışıqların aparılmasını təsdiqləmir. 

HİT.az xəbər verir ki, bu barədə brifinqdə Avropa İttifaqı diplomatik xidmətinin rəsmi nümayəndəsi Piter Stano məlumat verib.

"Avropa İttifaqı Ukraynanın beynəlxalq səviyyədə tanınmış sərhədlərinə daxil olmasını dəstəkləyir və lazım olduğu müddətdə Ukraynaya onların bərpasında kömək etməyə hazırdır", deyə Stano vurğulayıb.

Bundan əvvəl İtaliyanın “Corriere della Sera” qəzeti Ukrayna lideri Volodimir Zelenskinin Ukraynanın ərazi itirməsini tanımadan mövcud cəbhə xəttində atəşkəsə hazır olduğunu, bunun müqabilində Kiyevin Qərbdən təhlükəsizlik zəmanəti istədiyini yazmışdı.

Qeyd olunur ki, Kiyev “Qərbin bəzi öhdəlikləri” müqabilində belə bir addım atmağa hazırdır. Qəzet qeyd edir ki, söhbət amerikalıların Yaponiya, Cənubi Koreya və Filippinə verdiyi zəmanətlərdən nümunə götürülmüş ABŞ-ın təhlükəsizlik zəmanətindən gedir.

Samir