Qərbin sanksiyalarına məruz qalan tankerlərin təxminən 1/3-i (ABŞ, Böyük Britaniya və Aİ) Rusiya xam neftini nəql etməyə davam edir.

HİT.az xəbər verir ki, bu barədə “Bloomberg” məlumat yayıb.

72 tankerdən ən azı 21-i ABŞ Maliyyə Nazirliyinin Xarici Aktivlərə Nəzarət Ofisi (OFAC), Böyük Britaniya Xəzinədarlığı və ya Avropa İttifaqının ötən ilin oktyabrında sanksiyaya məruz qalmasından sonra ümumilikdə 24 yük Rusiya neftini yükləyib.

"Bloomberg"in tərtib etdiyi gəmi izləmə məlumatlarına görə, tankerlərin işə qayıtma sürəti bu ilin iyul ayından etibarən artmaqdadır.

Sanksiyaya məruz qalan tankerlərdən ən azı yeddisi artıq oktyabrın ilk ongünlüyündə neft yüklərini götürüblər, baxmayaraq ki, avqust və sentyabr aylarında yalnız altı gəmi iştirak edib.

Bu ilin aprelindən iyul ayına kimi ayda bir tanker olub.

Qeyd olunur ki, ilkin olaraq “qara siyahı”ya daxil edilən tankerlər boş qalıb. Sanksiyaya məruz qalan gəmilərin heç biri ilk gəmilərə sanksiya tətbiq olunduqdan altı ay sonra aprel ayına qədər Rusiya və ya hər hansı digər neft yükünü daşımayıb.

Lakin sonradan, ilk yüklər bu sanksiyaya məruz qalmış tankerlər tərəfindən uğurla çatdırıldıqca, onların istifadəsi kəskin şəkildə artıb. ABŞ-ın sanksiyaları ən təsirli olub.

Vaşinqtonun qara siyahıya saldığı 39 tankerdən dördü ilə cəmi altı yük daşınıb. OFAC-ın məhdudlaşdırıcı tədbirlərinə tabe olan tankerlərin əksəriyyəti sanksiyaya məruz qaldıqdan sonra “yatmış vəziyyətdə” qalıb və bəziləri üçün bu müddət təxminən 11 aya yaxın davam edib. Digərləri arasında 50 gəminin adı sanksiyaya məruz qaldıqdan sonra dəyişdirilib və onların çoxu eyni vaxtda bayraqlarını dəyişib.

Rusiya xam neftinin əksər yükləri Çin limanlarına gedir, lakin təxminən üçdə biri Hindistana gedir.

Samir