"Avropa İttifaqı münaqişə bitdikdən sonra Ukraynada hərbisizləşdirilmiş zona yaratmaq şərti ilə öz qoşunlarını yerləşdirə bilər". 

HİT.az verir ki, bunu ABŞ-ın Yaponiyadakı keçmiş səfiri Kennet Vaynşteyn “Politico”ya müsahibəsində deyib.

“Əgər Ukrayna ilə Rusiya arasında hərbisizləşdirilmiş zona varsa, mən təklif edərdim ki, bu zona Aİ qoşunlarından ibarət olsun”, deyə diplomat qeyd edib.

Vaynşteyn deyib ki, Qərbin Kiyevə mümkün təhlükəsizlik zəmanəti verməsi kontekstində Aİ ölkələri Ukrayna ərazisinə hərbi personal göndərməyə hazır olmalıdır. Diplomatın sözlərinə görə, Brüssel üçün Ukraynaya təhlükəsizlik təminatının verilməsi son dərəcə vacibdir.

Bundan əvvəl “Politico” qəzeti də yazmışdı ki, Avropa İttifaqı (Aİ) münaqişə bitdikdən sonra Ukraynaya sülhməramlılar göndərmək məsələsini nəzərdən keçirə bilər.

Samir