Ukrayna Demoqrafiya İnstitutunun rəhbəri Libanova ölkə iqtisadiyyatının çökdüyünü açıqlayıb.

Ukrayna Demoqrafiya və Sosial Tədqiqatlar İnstitutunun direktoru Ella Libanova münaqişə zamanı Ukrayna iqtisadiyyatının çökdüyünü bildirib. 

HİT.az xəbər verir ki, bu barədə “Spiegel” yazıb.

Onun sözlərinə görə, ölkədə bir çox müəssisə bağlanmağa məcbur olub. Ukrayna İqtisadiyyat Nazirliyinin məlumatına görə, dövlətin 4,5 milyon əlavə işçi qüvvəsinə ehtiyacı var.

Libanova vurğulayıb ki, insan çatışmazlığı Rusiya-Ukrayna münaqişəsindən əvvəl də hiss olunub. Səfərbər olunanları qadınlar və yaşlı kişilər əvəz edir.

İşəgötürən baxımından bu gün ideal işçi 60 yaşına çatmış və hərbi xidmətə çağırıla bilməyənlərdir.

Sentyabrın sonunda Ukraynanın maliyyə naziri Sergey Marçenko bildirib ki, Ukrayna büdcəsinə maliyyə daxilolmaları variantları praktiki olaraq tükənib, ölkədə vergiləri artırmaq lazımdır. Ukrayna maliyyə departamentinin rəhbəri əlavə edib ki, yığılan bütün vəsaitlər yalnız artıq edilmiş ödənişlərin ödənilməsi, eləcə də onlara xidmət üçün istifadə olunur.

Samir