Fransanın müdafiə naziri Sebastian Lekornu Şimali Koreya hərbçilərinin Ukraynaya yerləşdirilməsi ilə bağlı yayılan məlumatlara münasibət bildirib. Onun sözlərinə görə, hazırda baş verənlər yəqin ki, dönüş nöqtəsidir".

HİT.az xəbər verir ki, o, Fransanın Ukraynaya qoşun yeritməsi barədə sual verib.

"Təlimlə bağlı debatımız oldu. Şimali Koreya ilə baş verənlər bəlkə də dönüş nöqtəsidir. Aydındır ki, uzun aylardır silah tədarük edən Pxenyanla, eləcə də Tehranla münasibətlər və qarşılıqlı asılılıqlar bu təhlükəsizlik gərginliyinin beynəlmiləlləşməsidir", deyə nazir bildirib.

O, həmçinin Ukrayna prezidenti Volodimir Zelenskinin təqdim etdiyi qələbə planını şərh edib. Onun sözlərinə görə, hazırda Rusiyanın növbəti təcavüzünün qarşısını almaq üçün ənənəvi çəkindirmə vasitələrinin yerləşdirilməsi məsələsinə baxılması vacibdir:

"Kiyev üçün atəşkəs anlayışı Rusiyanın növbəti təcavüzünün qarşısını almaq üçün ənənəvi çəkindirmə vasitələri məsələsini gündəmə gətirir və bu, indi həll edilməli olan mövzudur".

Fransa müdafiə nazirinin sözlərinə görə, Zelenskinin qələbə planı müttəfiqlərin uzunmüddətli perspektivdə Ukraynaya kömək etməli olduğu siyasi yolun başlanğıcıdır.

"Bir gün Ukrayna yenidən Rusiya ilə danışacaq", deyə Lekornu vurğulayıb.

O əlavə edib ki, qələbə planı Rusiya tərəfindən ələ keçirilən ərazilərin azad edilməsini nəzərdə tutur:

"İndiki məqamda çətinlik odur ki, biz güc balansını qəbul etməliyik".

Samir