Svay Ryenq Universitetinin kambocalı bioloqları Mekonq çayında təxminən 20 il əvvəl nəsli kəsildiyi güman edilən nəhəng qızılbalıq sazanı aşkar ediblər. Bu balıq sonuncu dəfə 2005-ci ildə görülüb. 

HİT.az xəbər verir ki, tədqiqat "Biological Conservation" (BioCons) elmi jurnalında dərc olunub.

Komanda yerli balıqçı icmaları tərəfindən təmin edilən müşahidələri toplayıb. Nəticədə, ekspertlər 2020 və 2023-cü illər arasında qızılbalıq sazanının üç təsdiqlənmiş halını alıblar.

Tədqiqatçıların fikrincə, kəşf bu növün dirçəlməsinə ümid verir. Bioloqlar Mekonqun digər ərazilərində qızılbalıq sazanının yaşayıb-yaşamadığını öyrənmək üçün Tayland və Laosdakı balıqçılarla əlaqə yaratmaq niyyətindədirlər.

Nəhəng qızılbalıq sazanı Kamboca, Laos və Taylandda orta Mekonq çayına endemikdir. Həddindən artıq balıq ovu və ətraf mühitin pisləşməsi səbəbindən onun əhalisi əhəmiyyətli dərəcədə azalıb. Növ hazırda tamamilə yox olmaq təhlükəsi altındadır.

Yetkin bir qızılbalıq sazanı 130 santimetrə qədər böyüyə bilər və çəkisi 30 kiloqrama çata bilər. Həddindən artıq nadirliyinə görə nəhəng qızılbalıq sazanı "kabus balığı" və ya "Mekonq xəyalı" adlanır.

Samir