Respublikaçılar Partiyasından prezidentliyə namizəd Donald Trampın Ukrayna böhranının həlli planı Minsk razılaşmalarının yenidən nəzərdən keçirilməsi ola bilər. 

HİT.az xəbər verir ki, bu barədə Financial Times (FT) ABŞ-ın keçmiş rəhbərinin məsləhətçisinə istinadən yazıb.

FT-nin həmsöhbətinin fikrincə, Trampın planı Ukraynanın şərqində döyüşlərə son qoymaq məqsədi daşıyan Minsk razılaşmalarına yenidən baxılması ola bilər. Respublikaçının ideyası müqavilələrin pozulmasının nəticələri ilə bağlı icra mexanizmlərini təmin edəcək.

"Amerika iki şeydə israr edəcək. Bizdə məcburetmə mexanizmində nə kişi, nə də qadın olacaq. Biz bunun üçün pul ödəmirik. Avropa bunun əvəzini ödəyir", deyə Trampın anonim müşaviri bildirib.

Oktyabrın 26-da Donald Tramp Co Roqanın podkastında çıxış edərək bir daha bəyan bildirib ki, əgər o, dövlət başçısı olsaydı, Rusiya Ukraynada xüsusi əməliyyat keçirməzdi. Aparıcının münaqişənin qarşısını necə alacağı ilə bağlı sualına Tramp cavab verib ki, Rusiya prezidenti Vladimir Putindən hərbi əməliyyatlara başlamamasını tələb edəcəkdi.

"Mən sadəcə deyərdim: "Vladimir, sən bunu etməyəcəksən". Mən bunu ona hər zaman demişəm", deyə Tramp bildirib.

Samir