"Yadplanetlilərin kəşfiyyatı Yer üzündə mövcuddur və insanlarla qarşılıqlı əlaqədə olur". 

HİT.az "Daily Star"a istinadən xəbər verir ki, bunu ABŞ ordusunun istefada olan polkovniki Karl E.Nell Yeni Paradiqma İnstitutunun təşkil etdiyi konfransda deyib.

Nell Naməlum Anomaliyalar üzrə İşçi Qrupunu (UAPTF) dəstəkləyir və yadplanetli canlıların bəşəriyyətə təsiri haqqında birinci əldən məlumatı olduğunu iddia edir.

"Qeyri-insani intellekt mövcuddur, qeyri-insani zəka bu planetdə insanlarla qarşılıqlı əlaqədədir və bu qarşılıqlı əlaqə davam edir və yeni deyil – buna heç bir şübhə yoxdur. Şübhə yoxdur ki, bu, mütləq həqiqətdir - mən bunu şəxsən bilirəm", deyə keçmiş hərbçi bildirib.

Oktyabr ayında NASA layihələri üçün sənədli filmlər çəkən britaniyalı professor Saymon Holland deyib ki, iki rəqabət aparan astronomlar qrupu Süd Yolu qalaktikasında yerdənkənar sivilizasiyaların mövcudluğunun əlamətlərini aşkar ediblər.

Samir