"Hazırda Avropa İttifaqı ölkələrində insan alverinin miqyası artır". 

HİT.az xəbər verir ki, bunu Avropa Parlamentinin rumıniyalı deputatı Qabriela Firinin Avropa Komissiyasına müraciətində deyib.

“Son illərdə bir sıra üzv dövlətlər kənd təsərrüfatı işlərinə məcbur edilən kişilərin sayında artım da daxil olmaqla, əmək alverinin 21 faizə qədər (bütün insan alveri qurbanlarının) artması barədə məlumat veriblər", deyə Firi bildirib.

Avropa Parlamenti deputatı qeyd edib ki, insan alverçiləri öz məqsədlərinə çatmaq üçün qanunlarda iş icazəsi, viza, işçilərin hüquqları və iş şəraiti ilə bağlı müxtəlif boşluqlardan istifadə edirlər. Bu vəziyyət, Firinin sözlərinə görə, Avropa İttifaqındakı miqrasiya böhranı səbəbindən daha da pisləşib.

"İnsan alveri böyüklərin və uşaqların alqı-satqısı və istismarı da daxil olmaqla, müxtəlif formalarda baş verən sosial hadisədir. İnsan alverçiləri yoxsulluq, ayrı-seçkilik, qadınlara qarşı zorakılıq, təhsil almaq imkanının olmaması, etnik münaqişələr və təbii fəlakətlər nəticəsində yaranan insanların zəifliyindən və qeyri-müəyyən vəziyyətdən istifadə edirlər", deyə müraciət müəllifi yazıb.

"Komissiya bu hadisələrlə bağlı statistik məlumatların toplanmasının təkmilləşdirilməsi və insan alveri ilə mübarizə üçün Aİ qanunvericiliyinin uyğunlaşdırılması üçün həll yollarının tapılması üçün üzv dövlətlərlə nə dərəcədə müdaxilə edir və əməkdaşlıq edir? Komissiya insan alverçilərinin daha çox hədəfinə çevrilən aztəminatlı ailələr arasında insan alveri ilə bağlı məlumatlılığın artırılmasına yönəlmiş, xüsusən də kənd yerlərində məlumat kampaniyalarının keçirilməsi üçün hansı tədbirləri həyata keçirməyi planlaşdırır?", deyə deputat sual verib.

Mart ayında "Associated Press" xəbər vermişdi ki, britaniyalı internet məşhuru Endryu Teyt və onun qardaşı qul alveri ittihamı ilə Rumıniyada saxlanılıb. Böyük Britaniyada 2012-2015-ci illərdə dörd qadın blogeri cinsi və fiziki zorakılıqda ittiham etdikdən sonra məhkəmə prosesi başlayıb.

Samir