Çin yeni J-35A gizli qırıcısını "Airshow China 2024" beynəlxalq aerokosmik sərgisində təqdim etməyə hazırlaşır.
HİT.az xəbər verir ki, bu barədə RİA Novosti Çin Xalq Azadlıq Ordusunun Hərbi Hava Qüvvələrinin silah idarəsinin nümayəndəsi polkovnik Niu Venboya istinadən məlumat yayıb.
Bu sərgi noyabrın 12-dən 17-dək Çinin cənubundakı Quanqdonq əyalətində keçiriləcək.
"J-35A orta ölçülü çoxməqsədli gizli qırıcı 15-ci Çin Hava Şousunda nümayiş etdiriləcək", deyə Niu Venbo bildirib.
Həmçinin bu sərgidə Hun-19 raket sistemi və yeni çoxfunksiyalı hücum və kəşfiyyat pilotsuz uçan aparatı ilk dəfə təqdim olunacaq və Y-20 təyyarəsinin yük bölməsi də yoxlamaya təqdim olunacaq.
"J-35A qırıcısının açıq nümayişi o deməkdir ki, Çin Hərbi Hava Qüvvələri indi eyni vaxtda iki gizli qırıcıya - J-20 və J-35A-ya sahib olacaq. Bu, Çini dünyada F-22 və F-35-lərə sahib olan ABŞ Hərbi Hava Qüvvələrindən sonra eyni vaxtda iki gizli qırıcı ilə təchiz edilən ikinci ölkə edir", deyə hərbi ekspert Li Li izah edib.
Qeyd edilir ki, J-35 bir sıra qırıcı təyyarələrin bir hissəsinə çevrilə və gələcəkdə təyyarədaşıyıcıları üçün daşıyıcı əsaslı təyyarə kimi istifadə oluna bilər ki, bu da Çinin hava və dəniz əməliyyatlarında ümumi hərbi gücünü əhəmiyyətli dərəcədə artıracaq.
Samir
