Venesuela prezidenti Nikolas Maduro BRICS-in Kazanda keçirilən sammiti ilə bağlı təəssüratlarından danışıb. 

Qaynarinfo xəbər verir ki, onun sözlərinə görə, Rusiya prezidenti Vladimir Putin beynəlxalq siyasətdə futbolçu Kriştiano Ronaldo kimi "qolçuluq instinkti"nə malik ulduzdur.

"Şübhəsiz, biz siyasi dildə deyə bilərik: Prezident Vladimir Putin beynəlxalq siyasətdə ulduzdur. BRICS-i birləşdirən Kazanda keçirilən tarixi sammitdə böyük uğur əldə edildi. O, Kriştiano Ronaldo kimi anadangəlmə qolçudur, bombardirdir", deyə Maduro Rusiya və Venesuela arasında yüksək səviyyəli hökumətlərarası komissiyanın Karakasda keçirilən iclası zamanı bildirib.

Rusiya Federasiyası baş nazirinin müavini Dmitri Çernışenko isə bildirib ki, Maduro gələn il Rusiyaya səfər etmək üçün dəvət alıb. Çernışenko qeyd edib ki, bu səfər zamanı ölkələr arasında strateji tərəfdaşlıq və əməkdaşlıq haqqında saziş imzalana bilər.