Almaniyanın xarici işlər naziri Annalena Barbok Çini Ukraynada keçirilən xüsusi əməliyyat zamanı istifadə üçün Rusiyaya pilotsuz təyyarələr verməkdə ittiham edib. 

HİT.az bu barədə N-TV kanalına istinadən xəbər verir.

Onun sözlərinə görə, Berlin hesab edir ki, Pekin dronlar göndərməklə Moskvaya kömək edir.

"Bunun nəticələri olmalıdır və olacaq", deyə Berbok bildirib.

Bundan əvvəl noyabr ayında Aİ diplomatiyasının rəhbəri vəzifəsinə keçəcək Kaya Kallas Çinin Ukraynadakı münaqişədə Rusiyaya dəstək verdiyi iddiasına görə daha ​​yüksək qiymət daşımalı olduğunu bildirib. Kallas iddia edir ki, Çinin dəstəyi olmasaydı, Rusiya xüsusi əməliyyatı belə yüksək intensivliklə davam etdirə bilməzdi. Buna görə o, Pekinin hərəkətlərinə görə daha yüksək qiymət ödəməli olduğunu deyib.

O da bildirilirdi ki, Avropa İttifaqı Rusiyaya silah tədarükü ilə bağlı şübhələrə görə Çinə qarşı sanksiyalar tətbiq etməyə hazırlaşır.

Samir