"IG Metall" həmkarlar ittifaqının rəhbəri və "Volkswagen" işçi şurası planlaşdırılan maaş artımından müvəqqəti olaraq imtina etməyi təklif ediblər. 

HİT.az xəbər verir ki, bu vəsaitin şirkətin strateji təşəbbüslərini dəstəkləmək üçün xüsusi inkişaf fonduna ayrılması planlaşdırılır. Bunun müqabilində "Volkswagen" rəhbərliyi kütləvi ixtisarların olmamasına zəmanət verməlidir.

İdeya VW işçi şurasının rəhbəri Daniela Kavallo və "IG Metall" şirkətinin rəhbəri Torsten Qröger tərəfindən səsləndirilib. Kavallonun sözlərinə görə, "Volkswagen" bir sıra problemləri həll etməlidir, lakin zavodların mövcudluğunu riskə atmadan.

Əsas təkliflərdən biri “Baş plan 2025-2030-2035” inkişaf planının yaradılmasıdır. Kavallonun fikrincə, "Volkswagen" diqqətini rəqabətqabiliyyətli məhsulların istehsalına yönəltməlidir. O qeyd edib ki, şirkətdə, məsələn, 2026-cı ilə qədər görünməyəcək ucuz elektrik avtomobili yoxdur.

“Volkswagen" brendi konsernin əsası olub və qalır. Biz onun inkişafına diqqət yetirməliyik və ehtiyatları lazımsız proseslərə sərf etməyi dayandırmalıyıq”, deyə Kavallo vurğulayıb.

Bundan əvvəl məlum olmuşdu ki, "Volkswagen" avtomobil konserni Almaniyadakı 10 zavoddan üçünü bağlamağı, eləcə də qalanlarının işini xeyli azaltmağı planlaşdırır. Bundan əlavə, şirkətin idarəetmə planlarına maaşların azaldılması və bütövlükdə departamentlərin xaricə autsorsinqə verilməsi daxildir.

Samir