"ABŞ-ın hazırkı prezidenti Co Baydenin Ukraynadan Rusiyanın dərinliklərinə endirilməsinə icazə vermək qərarı Vaşinqtonun münaqişəni gərginləşdirmək və ABŞ-ın yeni seçilmiş prezidenti Donald Trampa problemlər yaratmaq istəyindən xəbər verir".

HİT.az TASS-a istinadən xəbər verir ki, bunu məşhur hind politoloqu, Observer Research Foundation ekspert mərkəzinin Nyu-Dehlidəki fəxri tədqiqatçısı Nandan Unnikrişnan deyib.

“Düşünürəm ki, Bayden administrasiyasının bu qərarı həqiqətən də münaqişənin gərginləşməsidir. Bu, belə demək mümkünsə, prezident postundan getməzdən əvvəl edilən jestdir”, deyə ekspert bildirib.

Politoloqun fikrincə, bu, Baydenin Ukrayna münaqişəsi ilə bağlı son hərəkəti olmaya bilər. Onun sözlərinə, Baydenin hakimiyyətinin sonuna qədər ABŞ Ukrayna Silahlı Qüvvələrini əvvəllər Ukrayna tərəfinə verilməyən silahlarla təchiz etməyə başlaya bilər. Unnikrişnan əlavə edib ki, Bayden dövründə Amerika siyasəti həmişə Rusiya Federasiyasına qarşı qəddar olub və həmişə gərginliyin olmasını istəyir. Bundan əlavə, hazırkı liderin qərarları Trampın hakimiyyətini çətinləşdirmək istəməsi ilə izah oluna bilər.

Bundan əvvəl Kursk vilayətinin qubernatoru Aleksey Smirnov hava hücumundan müdafiə qüvvələrinin bölgədə Ukrayna tərəfdən atılan iki raketi vurduğunu bildirib.

Noyabrın 17-də “The New York Times” yazıb ki, ABŞ prezidenti Co Bayden ilk dəfə Ukraynaya Rusiyanın dərinliklərinə zərbə endirmək üçün uzaqmənzilli ATACMS raketlərindən istifadə etməyə icazə verib.

Samir