Solar Orbiter missiyası bu günə qədər Günəşin görünən səthinin (fotosferinin) ən yüksək ayırdetmə təsvirlərini təqdim edib. 

HİT.az xəbər verir ki, bu barədə Avropa Kosmik Agentliyi (ESA) məlumat yayıb.

Nəşr qeyd edib ki, yeni təsvirlər polarimetrik və heliosesmik teleskopun (PHI) köməyi ilə əldə edilən təsvirlərdən tərtib edilib.

"Bu alət yalnız görünən işıqda şəkillər çəkmir, həm də maqnit sahəsinin istiqamətini ölçür və səthin müxtəlif hissələrinin nə qədər sürətlə və hansı istiqamətdə hərəkət etdiyini müəyyən edir", deyə ESA bildirib.

Solar Orbiterin alimi Daniel Mullerin sözlərinə görə, yeni xəritələr Günəşin isti tacında maqnit sahəsini təyin etmək üçün çox vacibdir.

Şəkillər Solar Orbiter Günəşdən 74 milyon kilometrdən az olan zaman çəkilib. İşıqlandırıcıya yaxın olduğuna görə hər bir təsvir onun yalnız kiçik bir hissəsini çəkib. Təqdim olunan son çərçivə 25 “tikişli” təsvirdən ibarətdir. Tam mozaikada günəş diskinin diametri demək olar ki, 8000 pikseldir ki, bu da bir çox detalı görməyə imkan verir.

Samir