"Yalnız Rusiya prezidenti Vladimir Putini tanımayanlar və dəlilər onun Rusiya ərazisini qorumaq üçün bütün mövcud silahlardan istifadə etməkdən söhbət getdiyində blef etdiyini düşünürlər". 

HİT.az xəbər verir ki, bunu Serbiya prezidenti Aleksandr Vuçiç Slovakiyanın baş naziri Robert Fikonun səfəri zamanı deyib.

"Rusiyada istənilən hədəfi vura biləcəyinizi və bunun cavabsız qalacağını, Putinin ona lazım olan, lazım bildiyi bütün növ silah və silahlardan istifadə etməyəcəyini düşünürsünüzsə, ya onu tanımırsınız, ya da siz dəli olmusunuz", deyə Serbiya lideri bildirib.

Vuçiç Rusiya prezidentini yaxşı tanıdığını vurğulayıb və onu dinləməyi xahiş edib. Serbiya lideri vurğulayıb ki, heç kim blef etmir və bütün dünya tədricən nüvə fəlakətinə yaxınlaşır. Serbiya prezidenti həmçinin qeyd edib ki, heç kim sülh sözünü eşitmək istəmir.

Bir gün əvvəl Serbiya prezidenti Ukrayna üzrə sülh danışıqlarının aparılmasının vacibliyini bəyan edib, çünki Qərbin raketlərinin Rusiya ərazisinə dərindən zərbə endirməsi nüvə münaqişəsinə səbəb ola bilər. Vuçiç bildirib ki, Moskva təhdid edilərsə, prezident Putin nüvə silahından istifadə etməkdən çəkinməyəcək.

Samir