Yanvar-oktyabrın nəticələrinə əsasən, Çin Rusiyadan zənginləşdirilmiş uran alışını 3,2 dəfə artıraraq, 849 milyon dollara çatdırıb.

HİT.az xəbər verir ki, bu barədə "RİA Novosti" Çin gömrük məlumatlarına istinadən yazıb.

Üstəlik, ötən ay ümumi idxalın dörddə biri təmin edilib. Belə ki, oktyabr ayında Rusiya Federasiyası Çin bazarına 216 milyon dollar dəyərində uran göndərib.

Rusiya bu il Çinə zənginləşdirilmiş uranın əsas tədarükçüsüdür. Qazaxıstan ikinci yeri tutur. On ay ərzində ölkə Çinə 68,3 milyon dollar dəyərində uran göndərib.

Lakin Rusiyadan uran alışını artıran təkcə Çin deyil. Cənubi Koreya da fəal şəkildə məhsul idxal edirdi. Yanvar-oktyabr aylarında bu istiqamətdə tədarük 650 milyon dollar təşkil edib.

Bu arada, 2023-cü ildə Rusiya üçün əsas uran bazarı olan ABŞ, əksinə, alışlarını azaldıb. Üç rübün nəticələrinə əsasən, ABŞ 574 milyon dollar dəyərində Rusiya yanacağı idxal edib ki, bu da ötən illə müqayisədə demək olar ki, 32% azdır.

Samir