Qondarma Abxaziyanın müxalifət lideri Adqur Ardzinba RBC-yə müsahibəsində bildirib ki, Tiflis və Suxuminin münasibətlərini yaxşılaşdırmaq üçün Gürcüstan Abxaziyanın suverenliyini tanımalıdır.

HİT.az-ın məlumatına görə, o, iddia edib ki, Gürcüstan 30 ildən artıqdır mövcud olan reallığı tanımalıdır.

Eyni zamanda, Ardzinba etiraf edib ki, gürcü xalqı belə bir addımı qəbul etməyə bilər. O, həmçinin Gürcüstan üçün siyasi risklərin olduğunu iddia edib. Buna baxmayaraq, siyasətçi bəzi gürcü siyasətçilərinin üzr istəmək istəməsi barədə bəyanatları müsbət qiymətləndirib.

Bundan əvvəl Ardzinba bəyan edib ki, abxaz müxalifətinin Gürcüstan prezidentinin həmrəyliyinə ehtiyacı yoxdur. O, Gürcüstan prezidenti Salome Zurabişvilinin respublikanın müxalifət qüvvələri ilə həmrəylik barədə sözlərinə belə cavab verib. Siyasətçi qeyd edib ki, abxaz müxalifəti və Gürcüstan prezidenti “təkcə Abxaziyanın bu günü və gələcəyi ilə bağlı deyil, həm də həyat, siyasət və mənəviyyatla bağlı çox fərqli baxışlara malikdir”.

Abxaziya prezidenti Aslan Bjaniya bazar günü deyib ki, respublikadakı siyasi böhran onun təklif etdiyi hüquqi həll yolu əsasında aradan qaldırıla bilər. Onun sözlərinə görə, bunun üçün etirazçılar əvvəlcə respublikanın dövlət binaları kompleksini boşaltmalı, bundan sonra o, istefa verməyə hazırdır.

Bjaniya qeyd edib ki, Abxaz hakimiyyəti heç bir məsələdə müxalifətlə kompromis tapmayıb. Abxaziya prezidenti son günlər ölkədə baş verənləri dövlət çevrilişinə cəhd adlandırıb.

Samir