Böyük Britaniya bu yaxınlarda Ukraynaya uzun mənzilli "Storm Shadow" qanadlı raketlərinin yeni partiyasını təhvil verib.

HİT.az bu barədə "Bloomberg"ə istinadən xəbər verir.

Tədarük Britaniya hökumətinin Ukrayna Silahlı Qüvvələrinə bu silahın istifadəsi ilə bağlı məhdudiyyətləri ləğv etmək qərarından, eləcə də amerikalıların öz uzaqmənzilli raketləri ilə bağlı analoji qərarından əvvəl baş verib.

Nəşrin mənbələrinə görə, söhbət onlarla "Storm Shadow" qanadlı raketlərindən gedir. Eyni zamanda, həmsöhbətlər təhlükəsizlik məsələlərini əsas gətirərək raketlərin dəqiq nə vaxt gəldiyini dəqiqləşdirməkdən və ya dəqiq sayının adını çəkməkdən imtina ediblər.

Qeyd edildiyi kimi, "Storm Shadow" raketlərinin yeni partiyasının Ukraynaya təhvil verilməsi ilk dəfə Britaniyada Rusiyanın hərbi təcavüzünə qarşı özünümüdafiədə Ukraynaya dəstəyini davam etdirəcəyini vəd edən Kir Starmerin baş nazirliyi dövründə baş tutub.

"İctimaiyyətə açıqlanmayan tədarüklər bir neçə həftə əvvəl həyata keçirilib və Kiyevin uzaqmənzilli raketləri tükəndikdən sonra sifariş verilib", deyə mənbə bildirib.

Samir