ABŞ-ın yeni seçilmiş prezidenti Donald Tramp ikinci inauqurasiyasının daha sakit və birləşdirici atmosferdə keçməsini istəyir. 

HİT.az xəbər verir ki, bu barədə "NBC News" ona yaxın mənbəyə istinadən məlumat yayıb.

Müəlliflər Trampın 2016-cı ildə inauqurasiyasının kütləvi etirazlarla müşayiət olunduğunu xatırladıblar. Jurnalistlər qeyd ediblər ki, respublikaçı vəzifəyə gələndə polis məmurları nümayişçilərə qarşı bibər qazı istifadə etməyə məcbur olub.

“O, bu dəfə daha az etiraza və daha ​​az parçalanmaya ümid edir”, deyə materialda qeyd edilir.

Telekanalın məlumatına görə, Trampın komandası artıq andiçmə mərasiminə hazırlıqlara başlayıb. Xüsusən də siyasətçinin tərəfdarları mehmanxana otaqları sifariş edib, mərasim üçün mümkün mövzular üzərində işləyir və tədbir üçün loqo hazırlayırlar.

ABŞ-da prezident seçkiləri noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Səsvermənin nəticələrinə görə, Tramp 312, Harris isə 226 səs toplayıb.

Samir