İtaliya polisi digər Avropa İttifaqı ölkələrinin hüquq-mühafizə orqanları ilə birlikdə 22 milyondan çox insanın istifadə etdiyi beynəlxalq qeyri-qanuni yayım şəbəkəsini aşkar edib. 

HİT.az xəbər verir ki, "Fanpage" bu barədə Kataniya polisinə istinadən yazıb.

Açıqlamaya görə, bu, İtaliya və Avropada audiovizual sektorda həyata keçirilən ən böyük antipirat əməliyyatı olub. Belə ki, İtaliya polis bölməsinin kibercinayətlərin araşdırılması üzrə ixtisaslaşmış 270-dən çox əməkdaşı ölkənin 15 regionunda 89 axtarış aparıb.

Beynəlxalq əməkdaşlıq çərçivəsində Böyük Britaniya, Niderland, İsveç, İsveçrə, Rumıniya və Xorvatiyada da 14 axtarış aparılıb.

Xorvatiya polisinin qeyri-qanuni yayım şəbəkəsində iştirakda şübhəli bilinərək 11 nəfəri saxladığı bildirilir.

İtaliya polisi hələlik bütün məlumatları açıqlamayıb, noyabrın 27-nə planlaşdırılan mətbuat konfransı çərçivəsində əməliyyatın təfərrüatlarını açıqlamağa söz verib.

"Fanpage" vurğulayır ki, audiovizual piratçılıq təkcə müəllif hüquqlarının qorunması üçün deyil, həm də məzmun istehsalının iqtisadiyyatı üçün ciddi problem yaradır. Əyləncə sənayesi piratçılıq səbəbindən hər il milyardlarla dollar itkiyə məruz qalır, istehsalçılar və məzmun yaradıcıları tərəfindən böyüməyə və investisiyaya mane olur.

Samir