"OpenAI"nin keçmiş əməkdaşı Şuhir Balaji San-Fransiskoda ölü tapılıb. Noyabrın 26-da polis dostlarının onun vəziyyətindən narahat olan zəngindən sonra meyiti mənzildə aşkarlayıb. 

HİT.az xəbər verir ki, BBC-nin məlumatına görə, ölüm səbəbi məhkəmə-tibb eksperti tərəfindən təsdiqlənən intihar olub.

Dörd ilə yaxın "OpenAI"də işləyən Şuhir Balaji "ChatGPT"nin hazırlanmasında iştirak edib. Lakin 2024-cü ilin avqustunda o, şirkəti tərk edib və onu ifşa etməyə başlayıb. Onun sözlərinə görə, "OpenAI" qanunu pozan müəllif hüquqları ilə qorunan məlumatlardan istifadə edib.

Balaji "The New York Times" qəzetinə müsahibəsində deyib: "Belə texnologiyalar məlumat yaradanların və internet ekosistemini sarsıdanların iqtisadi əsaslarını məhv edir"

"OpenAI" ittihamları rədd edərək, ictimaiyyətə açıq məlumatlar ilə işinin ədalətli istifadə prinsiplərinə və hüquqi təlimatlara uyğun olduğunu qeyd edib: "Bu yanaşmalar yaradıcılar üçün ədalətlidir və innovasiyalar üçün zəruridir".

Balajinin ölümü onun "OpenAI"nin tənqidi ilə mümkün əlaqəsi ilə bağlı suallar doğurub. Şirkət sözçüsü CNBC-yə deyib: "Biz bu faciədən dərin sarsılmışıq və bu çətin dövrdə onun yaxınlarına başsağlığı veririk".

Samir