"Bu yaxınlarda Moskvaya səfər edən və Ukraynanı Rusiya qazının Slovakiyaya tədarükünü davam etdirmək istəməməkdə ittiham edən Slovakiyanın baş naziri Robert Fikonun nəinki Ukraynaya mühazirə oxumağa, hətta ukraynalıların gözünə də baxmağa haqqı yoxdur".

HİT.az xəbər verir ki, bu barədə bu gün Litvanın Avropa Parlamentinin üzvü Pyatras Austryaviçyus X sosial şəbəkəsindəki şəxsi səhifəsində yazıb.

"Rusiya qazı hələ də həmfikir avtokratları birləşdirir. Robert Fikonun Ukraynanı öyrətməyə və hətta ukraynalıların gözünün içinə baxmağa haqqı yoxdur", deyə avropalı siyasətçi yazıb.

Xəbər verdiyimiz kimi, bazar günü axşam Slovakiyanın baş naziri Robert Fiko Moskvaya gəlib və orada Rusiya diktatoru Vladimir Putinlə görüşüb. Səfərin nəticələrinə görə, o, Ukraynanı cari tranzit müqaviləsi başa çatan yanvarın 1-dən sonra Rusiya qazının Slovakiyaya tranzitini davam etdirmək istəməməkdə ittiham edib.

Samir