Arxeoloq Aleksandre Monteyro Portuqaliya sahillərində 250 xəzinə gəmisinin olduğunu bildirib.
HİT.az bu barədə "Observador"a istinadən xəbər verir.
"250-yə yaxın xəzinə gəmisi Azor və Madeyra arxipelaqlarının sularında, eləcə də Portuqaliyanın materik sahillərində batıb", deyə Monteyro bildirib.
Qeyd olunur ki, arxeoloq 1500-cü ildən bəri Portuqaliya sahillərində baş vermiş 8620 gəmi qəzası haqqında məlumat bazası yaradıb. Onun sözlərinə görə, materik sahillərində xəzinələri olan ən azı 250 gəmi var.
Monteyro 1615-ci ildə Azor adalarında Faial adasının yaxınlığında batmış flaqman Nossa Senhora da Luz gəmisinin qalıqlarını aşkar etdiyini iddia edir.
Samir
