Fələstinin HƏMAS qrupu və İsrail, son günlərdə hər iki tərəfin bildirdiyi irəliləyişlərə baxmayaraq, çərşənbə günü atəşkəs razılaşmasının əldə olunmaması ilə bağlı ittihamlar səsləndirib.

HİT.az xəbər verir ki, bu barədə “Reuters” məlumat yayıb.

HƏMAS İsrailin yeni şərtlər irəli sürdüyünü deyib, ölkənin baş naziri Binyamin Netanyahu isə qrupu artıq əldə edilmiş razılaşmalardan geri çəkilməkdə ittiham edib. 

"HƏMAS terror təşkilatı yalan danışmağa, artıq əldə edilmiş razılaşmalardan əl çəkməyə və danışıqlarda çətinliklər yaratmağa davam edir", deyən İsrailin baş naziri girovların qaytarılması üçün amansız səylərini davam etdirəcəyini bildirib.

HƏMAS əlavə edib ki, bu, “çeviklik nümayiş etdirir” və Qətər və Misirin vasitəçiliyi ilə aparılan danışıqlar ciddidir.

Çərşənbə axşamı Netanyahunun ofisi bildirib ki, İsrail müzakirəçiləri çətin həftəlik danışıqlardan sonra girovların azad edilməsi ilə bağlı məsləhətləşmələr aparmaq üçün çərşənbə axşamı gecə Qətərdən qayıdıblar.

Son iki həftə ərzində ABŞ və ərəb vasitəçiləri - Qətər və Misir mərhələli sazişin bağlanması üçün səyləri gücləndiriblər. Problemlərdən biri də İsrail qoşunlarının yerləşdirilməsi ilə bağlı tənzimləmələr idi.

Çərşənbə günü Qəzzanın cənubundakı komandirlərlə danışan İsrailin müdafiə naziri İsrael Katz ölkəsinin bufer zonaları və nəzarət-buraxılış məntəqələri də daxil olmaqla, anklavda təhlükəsizliyə nəzarəti davam etdirəcəyini bildirib.

HƏMAS müharibənin dayandırılmasını tələb edir, İsrail isə israillilər üçün artıq təhlükə yaratmamasını təmin etmək üçün əvvəlcə qrupun bölgədəki hakimiyyətinə son qoymaq istədiyini bildirir.

Bu arada İsrail qüvvələri Qəzza zolağının şimal hissəsinə təzyiqlərini davam etdirib.

Samir