Gürcüstanda müxalifət partiyaları oktyabrın 26-da keçirilən parlament seçkilərindən sonra dövlətin maliyyələşdirilməsindən imtina etməmək qərarına gəliblər. 

HİT.az xəbər verir ki, bu barədə Gürcüstanın “İmedi” telekanalına müsahibəsində respublikanın baş naziri İrakli Kobaxidze deyib.

Onun sözlərinə görə, dörd müxalifət partiyasından üçü maliyyələşmədən imtina barədə imza atmayıb. Kobaxidze əlavə edib ki, bu yolla müxalifət parlament seçkilərinin nəticələrini tanıyır.

Dekabrın 22-də Gürcüstanın baş naziri İrakli Kobaxidze Salome Zurabişvilini dekabrın 29-da vəzifəsini tərk etməkdən imtina edərsə, onu həbslə hədələyib. Onu gözləməyə və hara getmək istədiyini görməyə çağırıb - barmaqlıqlar arxasında və ya azadlığa.

Dekabrın 14-də Gürcüstanda yeni sistem üzrə prezident seçkiləri keçirilib: ilk dəfə olaraq dövlət başçısını vətəndaşlar deyil, 300 nəfərdən ibarət seçki kollegiyası - ölkə parlamentinin, muxtar respublikaların deputatları və yerli məsləhət orqanlarının üzvləri seçib. Qalib yeganə namizəd (hakim Gürcü Arzusu partiyasından) Mixail Kavelaşvili olub.

Samir