Ukraynalıların demək olar ki, yarısı hesab edir ki, respublikaçı Donald Trampın ABŞ prezidenti seçilməsi Rusiya Federasiyası ilə silahlı münaqişənin sonunu yaxınlaşdırıb. 

HİT.az xəbər verir ki, bunu Kiyev Beynəlxalq Sosiologiya İnstitutunun (KIIS) keçirdiyi sorğunun nəticələri sübut edir.

Araşdırma dekabrın 2-dən dekabrın 17-dək aparılıb. Kompüter vasitəsilə telefon müsahibəsi formatında keçirilən sorğuda 985 nəfər iştirak edib. Eyni zamanda, statik seçmə xətası 4,1%-dən çox olmayıb.

Araşdırma zamanı sosioloqlar respondentlərdən Trampın hakimiyyətə qayıdışının Ukraynada sülhü yaxınlaşdıracağına inanıb-inanmadıqlarını soruşublar. Sorğu iştirakçılarının 45%-i müsbət cavab verib.

Ukraynalıların daha 14%-i ABŞ seçkilərinin nəticələrinin hərbi əməliyyatların dayandırılmasını gecikdirdiyinə əmin olduğunu bildirib. Qalan respondentlər cavabda qərar verə bilməyiblər və ya Amerikanın yeni liderinin inauqurasiyasından sonra heç nəyin dəyişməyəcəyini bildiriblər.

Bundan əlavə, tədqiqat iştirakçılarından Rusiya Federasiyası ilə Ukrayna arasında gələcək sülh sazişinə dair baxışları barədə danışmaq istənilib. Nəticədə ukraynalıların 23%-i sazişin Kiyev üçün "əsasən və ya tamamilə ədalətli" olacağına inanırdı. Respondentlərin 31%-i bu sənədin ölkələri üçün ədalətsiz olacağını bildirib.

Respondentlərin 17%-i öz rəyi ilə bağlı qərar verə bilməyib. Qalan 29% ukraynalı saziş bağlanarkən münaqişə tərəflərinin hər ikisinin şərtlərinin yerinə yetiriləcəyinə əmin olduğunu bildirib.

Samir