"Time" jurnalı ABŞ-ın yeni seçilmiş prezidenti Donald Trampın yanvarın 20-də baş tutacaq andiçmə mərasimindən dərhal sonra planlarının siyahısını hazırlayıb.

Hit.az xəbər verir ki, nəşrin yazdığına görə, Tramp prezidentliyinin ilk günü üçün hazırkı ABŞ prezidenti Co Baydenin daxili siyasətinin “ürəyinə zərbə vura biləcək” 100-ə yaxın fərman hazırlayır.

Qeyd olunur ki, Trampın bəzi vədləri icraedici fəaliyyət vasitəsilə həyata keçirilə bilər, lakin digərlərinin həyata keçirilməsi aylar və ya Konqreslə danışıqlar apara bilər.

Jurnalın siyahısında deyilir ki, Tramp vəzifədə olduğu ilk gündə ABŞ-ın cənub sərhədini bağlayacağını, səyahət qadağalarını bərpa edəcəyini və qaçqınların qəbulunu məhdudlaşdıracağını və ölkədən kütləvi deportasiyalara başlayacağını vəd edib.

Bundan əlavə, seçilmiş lider miqrantların uşaqlarının avtomatik vətəndaşlıq hüququndan məhrum edilməsi üçün doğuşdan olan vətəndaşlığı ləğv etməyi planlaşdırır.

Məqalədə deyilir: “Trampın ən şəxsi vədlərindən biri 6 yanvar 2021-ci ildə Kapitol iğtişaşında iştirak etməkdə təqsirli bilinənləri əfv etməkdir”.

Nəşr vurğulayır ki, Tramp altı ay ərzində Ukrayna münaqişəsinin həlli məsələsini həll edəcəyinə söz verib.

Samir