Əl-Əzhər Universitetinin misirli alimləri İsveçrə və ABŞ-dan olan həmkarlarının iştirakı ilə Misirdə son 5000 ildə ilk dəfə xallı kaftarın peyda olmasını qeydə alıblar.

Hit.az xəbər verir ki, araşdırma "Mammalia" elmi jurnalında dərc olunub.

Sudanla sərhəddən təxminən 30 kilometr aralıda tənha heyvan aşkarlanıb.

Mütəxəssislər, onun varlığı ilə bağlı ilk xəbərlərə inanmadıqlarını və foto dəlilləri görəndə məəttəl qaldıqlarını bildiriblər.

Heyvan xallı kaftarların Sudandakı məlum yaşayış yerindən təxminən 500 kilometr aralıda aşkar edilib. Tədqiqatçılar fərz edir ki, regional onillik hava dövrü yağışların və yaşıllığın artmasına səbəb ola bilər ki, bu da səhra heyvanları üçün miqrasiya yolunu açır.

“Dəhliz sahəsinin ekoloji cəhətdən daha az sərt olması, daha asan keçid təklif etməsi onun bu qədər şimala necə getdiyini izah edə bilər. Bununla belə, onun Misirə uzun səfərinin motivi hələ də sirr olaraq qalır və əlavə araşdırma tələb edir”, deyə alimlər qeyd ediblər.

Xallı kaftarlar sub-Sahara Afrikasının müxtəlif yaşayış yerlərində rast gəlinən yırtıcılardır. Onlar otyeyən sürülərin ardınca gündə 27 km məsafə qət edə bilirlər.

Samir