Rusiya prezidentinin mətbuat katibi Dmitri Peskov ABŞ prezidenti Donald Trampın Səudiyyə Ərəbistanı və OPEC-i neftin qiymətini aşağı salmağa məcbur etmək niyyəti ilə bağlı bəyanatını şərh edib.

Hit.az xəbər verir ki, Amerika prezidentinin fikrincə, bu, Rusiya-Ukrayna münaqişəsinin sonunu yaxınlaşdırmağa kömək edə bilər.

“Bu münaqişə neft qiymətlərindən asılı deyil. Bu münaqişə Rusiya Federasiyasının milli təhlükəsizliyinə təhdid, məlum ərazilərdə yaşayan ruslar üçün təhlükə, amerikalıların və avropalıların Rusiyanın narahatlığına qulaq asmaq istəməməsi və tamamilə imtina etməsi səbəbindən baş verir", deyə Peskov mətbuata zəng zamanı bildirib.

Bu gün, yanvarın 24-də səhər saatlarında Peskov prezident Vladimir Putinin Donald Trampla əlaqə saxlamağa hazır olduğunu bildirib. Mətbuat katibinin sözlərinə görə, Kreml siqnallar gözləyir və mümkün söhbət barədə vaxtında məlumat verəcək. 

Yanvarın 22-də Amerika prezidenti faktiki olaraq Rusiyaya ultimatum verib: O, Moskvanı Ukraynadakı münaqişəni dayandırmağa çağırıb, əks halda Rusiyanın ABŞ-a bütün ixracına sanksiyalar və rüsumlar tətbiq edəcəyi ilə hədələyib.

Samir