Polşada dünyanın ən hündür Məryəm heykəli ucaldılacaq.

HİT.az xəbər verir ki, bu barədə TVN 24 telekanalı məlumat yayıb.

55 metr hündürlüyündə abidə ölkənin şimalındakı Torun şəhəri yaxınlığındakı Kikul bələdiyyəsinin Konotope kəndində ucaldılacaq. Onun tikintisini ən zəngin yerli iş adamlarından biri Roman Kartosik maliyyələşdirəcək.

Heykəlin yerində işlərə iki həftə əvvəl başlanılıb və icazə 2024-cü ilin oktyabrında verilib.

Məryəmin heykəlinin 2026-cı ilə qədər ucaldılması gözlənilir. Layihənin dəyəri hələlik məlum deyil.

Heykəlin özünün hündürlüyü 40 metr, tac formalı postamentin hündürlüyü 15 metrə çatacaq. Bu abidə Rio-de-Janeyrodakı Xilaskar Məsihin heykəlindən (38 metr) və Polşanın Sviebodzin şəhərindəki Kral Məsihin abidəsindən (51 metr) hündür olacaq.

Samir