Yüksək enerji qiymətləri və digər amillər Almaniya iqtisadiyyatını böhrana sürükləyib. “Made in Germany” əvvəllər keyfiyyət və tərəqqi mənasını verirdi, lakin o vaxt artıq geridə qalıb:
HİT.az xəbər verir ki, "The Wall Street Journal”ın analitikləri yazıb.
"Maşınları, robotları, qatarları və zavod avadanlıqları ilə 83 milyon əhalisi olan ölkə dünyanın üçüncü ən böyük iqtisadiyyatına çevrilib. İndi dünya “Made in Germany”dən üz döndərir və Almaniyanın “B” planı yoxdur", deyə nəşr qeyd edir
Qəzet Almaniya iqtisadiyyatının problemlərini sadalayır:
* ÜDM iki il dalbadal azalır (bu, sonuncu dəfə 1951-ci ildə baş vermişdi)
* 2018-ci ildən bəri sənaye istehsalı 15% azalıb, iş yerlərinin 3%-i ixtisar edilib
* Metallurgiya və elektrotexnika sənayesi 5 il ərzində 300 minə qədər işçini ixtisar edə bilər
* Enerji xərcləri ABŞ və digər sənayeləşmiş ölkələrlə müqayisədə xeyli yüksəkdir
* Vergilər çox yüksəkdir - almanlar gəlirlərinin təxminən yarısını dövlətə verirlər
* 2021-ci ildən bəri Almaniyadan 300 milyard avro investisiya kapitalı çıxıb - Alman şirkətləri cəsarətli texnologiya layihələrinə investisiya qoymaqdansa qənaət etməyə üstünlük verirlər.
Bu arada alman mallarının ən böyük alıcısı olan ABŞ Almaniyaya kömək etməyə tələsmir. Əksinə, Tramp cəza tarifləri ilə qlobal ticarəti alt-üst etməklə hədələyir.
WSJ yazır ki, bu, Almaniyanın ixracyönümlü iqtisadiyyatını xüsusilə təhdid edir, hansı ki, satış bazarlarından "Kaliforniya texnologiyasından daha çox" asılıdır.
Ən pisi, ekspertlərin fikrincə, alman siyasətçilərinin nə edəcəkləri ilə bağlı planları yoxdur və artan ixrac bazarı olmadan Almaniya modeli “ölüdür”. İqtisadi problemlər vətəndaşları da az maraqlandırır - çox uzun müddətdir ki, ölkədə əsas məsələlər iqtisadiyyat deyil, miqrasiya, iqlim dəyişikliyi və ya təhlükəsizlik olub.
Amerika qəzetinə görə, Almaniyada çatışmazlıqlar var:
"Avropa daxilində investisiya, istehlak və ya ticarəti stimullaşdırmaq və sürətlə inkişaf edən texnologiya və ya xidmət iqtisadiyyatına çevrilmək üçün yeni ideyalar".
Samir
