ABŞ prezidenti Donald Trampın ilk iqtisadi addımları işgüzar dairələrdən müsbət rəylər alıb. 

HİT.az xəbər verir ki, bu barədə iqtisadçı Maykl Ştrayn “Financial Times” üçün yazdığı məqalədə bildirib.

O, Trampın yaxşı bir başlanğıc etdiyini və onun təşəbbüslərinin biznes mühitinə yeni nəfəs verdiyini vurğulayıb.

Ştrayn Trump-ın süni intellektə yeni yanaşmasını vurğulayaraq, Bayden administrasiyasının sosial ədalətə diqqət yetirməsindən fərqli olaraq iqtisadi artım və milli təhlükəsizliyə vurğu etdiyini qeyd edib.

İqtisadçı həm də maye qaz ixracına qoyulmuş moratoriumun götürülməsinin və enerji sektorunun tənzimlənməsinin dayandırılmasının tərəfdarıdır ki, bu da enerji təchizatının etibarlılığını artırmalı və istehlakçılar üçün qiymətləri aşağı salmalıdır. O, hesab edir ki, Lina Xanın antiinhisar agentliyinin rəhbərliyindən uzaqlaşdırılması da biznes mühitinin yaxşılaşmasına kömək edib.

Ştrayn həmçinin yaşıl enerjidən vəsaitlərin bizneslər üçün vergi endirimlərinə yönəldilməsini alqışlayır, lakin bu təşəbbüslərin uğurunun onların həyata keçirilməsindən asılı olacağına dair xəbərdarlıq edir. O, həmçinin immiqrasiya siyasətinin sərtləşdirilməsi və müxtəliflik proqramlarının kəsilməsi ilə bağlı potensial risklərə diqqət çəkir.

Ştrayn yeni administrasiyanın tənqidinə işarə etməklə yanaşı, qeyd edir ki, Trampın rəqibləri artıq iqtisadiyyatda baş vermiş müsbət dəyişiklikləri etiraf etməlidirlər.

Samir