Hindistanın müdafiə nazirliyi yerli şirkətlə orduya 400 pilotsuz uçan aparat (PUA) tədarükü üçün Çin istehsalı olan komponentlərin istifadəsi ilə bağlı üç müqaviləni ləğv edib. 

HİT.az xəbər verir ki, bu barədə “The Times of India” müdafiə nazirliyindəki mənbələrə istinadən məlumat yayıb.

Mənbə nəşrə bildirib ki, Hindistanda bəzi şirkətlər tərəfindən pilotsuz təyyarələrin istehsalında Çin elektronikası və komponentlərindən istifadə edilməsi düşmənin pilotsuz təyyarəni sıradan çıxara bilməsi səbəbindən kibertəhlükəsizlik və hərbi əməliyyatlar üçün ciddi təhlükədir.

Mənbənin sözlərinə görə, 2024-cü ildə Hindistanın Çin və Pakistanla sərhədində 180 müşahidə pilotsuz uçan aparatında bir neçə texniki nasazlıqdan sonra Hindistan pilotsuz təyyarələrində Çin komponentlərinin istifadəsinə nəzarət gücləndirilib. O qeyd edib ki, hərbi qəbul zamanı PUA-larda Çin istehsalı olan hissələrin və ya kompüter proqramlarında zərərli proqramların olmaması üçün diqqətlə yoxlanılmalıdır. Hindistanlı dron istehsalçılarına Çindən komponentlərin idxalını dayandırmaq tövsiyə olunur.

“The Times of India”nın məlumatına görə, Hindistan Müdafiə Nazirliyi 2023-cü ildə Çennayda yerləşən şirkətlə imzalanmış üç müqaviləyə xitam verib. Bu müqavilələr logistika məqsədləri üçün istifadə üçün 200 orta hündürlükdə, 200 ağır və yüngül pilotsuz uçuş aparatının tədarükü ilə bağlı idi. Pilotsuz təyyarələr Şərqi Ladax bölgəsində Çinlə sərhəddə yerləşən Hindistan qoşunlarına təhvil verilməli idi.

Fevralın 4-də Hindistanın Müdafiə Nazirliyi özünün X sosial şəbəkə səhifəsində Dehlinin Moskva ilə gəmi əleyhinə qanadlı raketlərin alınması üçün müqavilə imzaladığını elan edib. Mərmilərin adı açıqlanmır. Eyni zamanda Hindistan Müdafiə Nazirliyi qeyd edib ki, sözügedən raketlər ölkənin sualtı donanmasının döyüş qabiliyyətini xeyli artıracaq.

Samir