Almaniya kansleri Olaf Şolts hökumət başçısı vəzifəsini dayandırdıqdan sonra siyasətdən getmək niyyətində olduğunu açıqlayıb.

HİT.az xəbər verir ki, eyni zamanda o, bunun bəzi insanların güman etdiyindən gec baş verəcəyinə əminliyini ifadə edib.

"Mənim A planım odur ki, yenidən kansler seçiləcəyəm, buna görə də buradayam", deyə Şolts Jung & Naiv podkastında bildirib.

Daha sonra kansler postunun onun karyerasında son mərhələ olub-olmayacağı ilə bağlı suala alman siyasətçi belə cavab verib: 

"Bəli. Düşünürəm ki, bəzilərinin düşündüyündən gec bitəcək, amma mənim nöqteyi-nəzərimdən bundan sonra başqa bir şey olmamalıdır.  Mən uzun illər ölkəm üçün nəsə etmək imtiyazına sahib olmuşam və ümid edirəm ki, hələ uzun müddət bunu edə biləcəyəm, lakin bundan sonra yenidən sıravi vətəndaş olmağın vaxtı çatacaq".

O, sələflərindən biri Gerhard Şroederin izlədiyi ssenarini qəbuledilməz adlandırıb. Kansler postundan getdikdən sonra bir neçə dəfə vəzifə dəyişib.

Almaniya hökumətinə növbədənkənar seçkilər fevralın 23-nə təyin edilib. Bazar ertəsi keçirilən debatlardan sonra televiziya tamaşaçıları qələbəni kiçik fərqlə Olaf Şoltsa veriblər. Bununla belə, sorğularda hazırkı kanslerin Sosial Demokrat Partiyası həm Fridrix Merzin başçılıq etdiyi Xristian və Sosial Demokratlar blokundan, həm də sistemsiz ifrat sağçı Almaniya üçün Alternativ partiyasından geri qalır.

Samir