Uels şahzadəsi Keyt Middlton və şahzadə Uilyam hər ay Londondan mütəmadi olaraq səfərlərə çıxmağı planlaşdırır. 

HİT.az xəbər verir ki, bu barədə "In Touch Weekly" nəşri məlumat yayıb.

İnsayderin bildirdiyinə görə, cütlük sakit və rahat bir ailəvi məzuniyyətdən sonra belə bir qərar qəbul edib:

"Keyt və Uilyam əsl dincəlmək üçün ailəvi bir tətil keçirdi. O, yenidən xizək sürməyə başladı və bu, həqiqətən ruhlandırıcı bir an oldu. Onlar hər ay bir neçə günlük və ya hətta bir gecəlik səfərlər etməyə qərar verdilər. Əsas məsələ, özləri üçün vaxt ayırmalarıdır".

Mənbənin sözlərinə görə, Keyt uşaqlarının ailə ilə daha çox xoş xatirələr yaşamasını istəyir. Bundan əlavə, Uilyamla birlikdə romantik səfərləri artırmağı da planlaşdırır:

"O, həyatın çox dəyərli olduğunu və ondan tam zövq almağın vacibliyini dərk edir".

Keyt Middlton 22 mart 2024-cü ildə xərçəng diaqnozu qoyulduğunu və profilaktik kimyaterapiya aldığını açıqlamışdı. O, qarın boşluğunda keçirilən əməliyyatdan sonra aparılan testlər zamanı xəstəliyin aşkar edildiyini bildirmişdi.

9 sentyabrda şahzadə müalicəsini tamamladığını elan edib. 14 yanvar 2025-ci ildə isə o, Royal Marsden xəstəxanasına gedərək orada keçirdiyi müalicə müddəti boyunca ona dəstək olan tibb heyəti və xəstələrlə görüşüb.

İndi isə Keyt Middlton həyatın yeni mərhələsinə qədəm qoyur və ailəsi ilə daha çox vaxt keçirməyə hazırlaşır.

Samir