Avropa İttifaqı müdafiəsini gücləndirmək üçün yüz milyardlarla avronu azad etmək üçün büdcə qaydalarını dəyişməyə hazırlaşır. 

HİT.az xəbər verir ki, bu barədə mənbələrə istinadən "Bloomberg" məlumat yayıb.

Agentliyin məlumatına görə, Avropa iki problemlə üzləşib. Xüsusilə, onun müdafiə sənayesi inkişaf etməyib və sürətli silahlanmaya hazır deyil. Bundan əlavə, Rusiya ilə münaqişədə Ukraynaya yardıma görə silah ehtiyatları faktiki olaraq tükənib. 

Qeyd olunur ki, yerli silah istehsalçılarını dəstəkləmək üçün vaxt və pul tələb olunur ki, bu da hazırda qıtdır. Mövcud vəziyyət, "Bloomberg"in yazdığı kimi, Aİ-ni müdafiə üçün hər hansı mövcud resurs axtarmağa məcbur edir.

"Financial Times isə Avropa rəsmilərinə istinadən məlumat yayıb ki, Avropa İttifaqı ölkələri yenidən silahlanma bankının və ümumavropa müdafiə maliyyələşdirilməsi fondunun yaradılmasını müzakirə edirlər. 

Qeyd olunur ki, G20-nin Yohannesburq görüşündə toplaşan Avropa ölkələrinin maliyyə nazirliklərinin rəhbərləri Böyük Britaniyanın iştirakı ilə yenidən silahlanma bankı və ya ümumi fondun yaradılmasını müzakirə edirlər. Bir məmur nəşrə bildirib ki, hadisələr sürətlə inkişaf edir.

Yenidən silahlanma bankının Avropa Yenidənqurma və İnkişaf Bankının modeli əsasında yaradılması gözlənilir. İlkin məlumatlara görə, yeni bank hərbi texnikanın alınması, eləcə də müdafiə sektorunda sənaye layihələri üçün həm özəl sektora, həm də hökumətlərə kreditlər verəcək. Hazırda Aİ-yə sədrlik edən Polşa bu təklifi dəstəkləyib.

FT həmçinin yazır ki, miqyası məhdud olduğundan Böyük Britaniya və Aİ-nin iştirak etdiyi ümumi fond bankdan əvvəl yaradıla bilər.

Samir